قلبي هوى من قبلها مليون ** لكنهم كوم وهي كوم
بسم الخالق مالك الكون** غرقت بـجمالها وما ينفع العوم
فتحت الباب وقالت تفضلون ** قلبي لحقها وأنا بلا لوم
بلا تفكير وبلا تأخير وبلا شور ** سبقته وسلمتها امري بيدها اليوم
كأن الوقت قبله حزنٍ بدون ** أي أمل يذكر ولا شيٍ يدوم
بشوفته فرح خلاني أطير بجنون ** أمشي معاه وياه فوق الغيوم
كانها النشوة التي يتمناها المدمنون ** وكانها الصحوة التي من بعد نوم
غريبة التأثير ما مثلها في الكون ** تنوصف مرة واحدة عند اللزوم
ضحكةٍ تشفي الجرح ويهون ** مضادة للألم وضد الهموم
ونظرةٍ تعييك بذيك العيون ** اطلقت سهامها ويا ليت ما يصيبون
وشامةٍ ع الوجه يا لبه المزيون ** انارت وابرقت من بين النجوم
ألحانها عزفت بروحي شجون ** يا ترى كيف وأين وليه بهالسرعة أروم
أصير مبتلي فيه وفيه مفتون ** يا رب أعنّي على الصبّر والصوم
كأنها الهلال تحريته من سنون ** وفجأة ظهر وما عدت اقدر أصوم
قالتلي الوقت وقف شلون ؟ ** كأن البارحة بعدها هي اليوم
من أمس نسولف بلا هون ** شبلاك جاوبني كيف شلون
قلت هذا تأثير صوتك الحنون ** ألغى مفاهيم الزمن والكون
ابعترف صحيح قبلها مليون ** لكن ما حد بعدها ولا بيكون
وابعترف هالمرة غير، بالله تصدقون ** ابا هو كيفي تبون أو ما تبون
15/10/2018
9:07 am
